... اضحك وفرفش قليلا ...
ضرب البلطجى باب المقهى برجلة فوقف جميع رواد المقهى خوفا من البلطجى
إلا شاب كان يجلس وهو شارد الذهن ينظر الى كوب الشاى الذى امامه ..
فاتجه اليه البلطجى واخذ كوب الشاى من امام الشاب وشربه مرة واحدة
ثم القى الكوب فارغا وقال للشاب ادفع انت بقة ثمن الشاى !!
وبكى الشاب بكاء مريرا ..
البلطجى:بتعيط عشان خمسين قرش وعامل لى راجل ؟
الشاب: انا بعيط عشان ماليش بخت فى الدنيا دى
كل ماروح شغلانه افشل فيها ويطردنى صاحب الشغل !
اشتغلت قهوجى وقعت الشاى والطلبات على الزباين
اشتغلت مكوجى حرقت هدوم الزباين
اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة انا انسان فاشل فى كل حاجة اعملها
البلطجى : يااااة دا انت فاشل خالص
الشاب : امال لوعرفت اللى حصل الشهر اللى فات
كنت رايح شغلانه جديدة فصحيت الصبح متأخر
ونزلت بسرعه وركبت عربية جارنا اللى حاططها قدام البيت
ورحت الشغل برضة متاخر وطردنى صاحب الشغل لاستهتارى بمواعيد العمل
وخرجت من الشركة واكتشفت ان حرامى سرق العربيه
فاتهمنى جارنا بسرقة العربيه وقبضوا علية
واتسجنت 6 شهور ولسه خارج النهاردة
حتى الانتحار فشلت فيه
البلطجى : ازاى ؟
الشاب : رحت للبقال واشتريت منه اقوى سم قاتل
وجيت القهوة وحطيت السم فى الشاى عشان اشربه اموت واخلص من حياتى
فجيت انته وشربت الشاى بتاعى اللى فية السم !!!
