التعامل مع الجن بين المباح والحرام

السيريانى كله المكتوب فى الكتب ماهو الى سب وشتائم وتعبد للشيطان وشرك صريح بالله عز وجل
ولا يوجد احد يعمل باى دعوه سريانيه يعرف معانى ما يقوله ولا حتى معنى حرف واحد (فقط يتبع المعنى المدرج بالكتاب نفسه )
لكن هل درس سريانى ؟ هل بيعرف يتكلم سريانى اصلا كلغه عامه ؟ هل يقدر يترجم اللى انا كاتبه دا لسريانى مثلا ؟

كما ان الجن الصالح لاعلاقه له بكل ما تدور حوله الكتب وطرق الروحانيين و و و
فالجن الصالح لايتعامل مع احد ولا يظهر او يتكلم ولا يضع او ينفذ شروط ولا علاقه له بصيام وخلوات و و و ومالخ

اما قصه بقى اصل خدام الايه دى او القسم دا او العزيمه دى صالحين ومسلمين واسمهم كلهم محمد والشيوخ طبعا معاهم القيد العائلى للجن وعارفينهم بالاسم
ماهى الا خدعه فقط لايقاع الشخص فى الشرك وان يصير خادما للجن معتقدا انه هو من يسخر خادم ولايعرف انه يتم تسخيره

فكل الكتب الروحانيه ببساطه وردا على سؤالك ايا كان مسمى محتواها علوى بقى سفلى بحرى قبلى (شرك صريح بالله )

واجمل ما فى امر المسلمين انه مقتنعين تماما ان القران الكريم هو الكتاب الوحيد اللذى لم يتم تحريفه
ومقتنعين تماما ان التوراه والانجيل تم تحريفهم بالكامل
ومع ذلك مقتنعين تماما ان الكتب الروحانيه هى الصح والعلم الصحيح وطريق التقرب لله متناسيين تماما القران الكريم هما مقتنعين بس لكن يعملوا بيه لا
فالشيطان حرف بقى التوراه والانجيل بالكامل وسيطر عليهم بقوه وجه بقى عند الكتب الروحانيه وخاف ليتحرق فساب فيهم العلم اللى هيتحارب بيه ويتم الانتصار عليه بسببه

almonsieur
السلام عليكم اخي الكريم
​أرجو أن تراجع رأيك بدقة اخي الكريم ، فالدعوات السريانية منها البرهتية والجلجلوتية و مشايخنا في هذا المنتدى أفردوا لها عدة مواضيع ولشرحها
فهي ليست أسماء شياطين والعياذ بالله

مع احترمانا للشيوخ والجميع هو مش رأى شخصى علشان اراجعه
اراجع رايى لما اكون بتكلم كده يعنى ببدى رايى فى الموضوع
فالامر هنا فى التحدث عن العلوم وليس الاراء
وليس كل من تكلم عن دعوه او قسم او اسماء تعنى انه استخدمها او درسها او يعمل بها
منا عادى ممكن اكلمك عن البرهتيه او الجلجلوتيه لكن ملهاش علاقه انى اعمل بها او استخدمها او ارشدك اليها
اما الامر ببسطاه ليس هو فرض راى بل الكلمات الحقيقيه السريانيه التى تحمل معانى محدده الهيه كما تزعم الكتب حاليا
تم تحريفها وتغييرها على مدار السنين من واحد لواحد بقى ودا يجود ودا يزود ودا يغير
فلو بحثت انت بقوه فى الاسماء هتلاقى ان اغلب الكلمات بها اصلها يونانى وليس سريانى
وبعض الكلمات بها ليس لها معنى تماما لا معنى حلو ولا معنى وحش وليس لها اصل فى جميع اللغات حول العالم على سبيل المثال (انغلليط) دا باعتبار ان الصح بتاعها انغلليط
والاصل بها انها تعنى باليونانيه انجيلوس ( تعنى ملك برفع الميم واللام أى تنطق مالاك ) يعنى لما تقولها مرتين تبقى بتقول مالاك مالاك تبقى لمين دى ؟
و
اما مثلا لو تكلمنا عن (شمخاباروخ) ف شمخا اصلا اصلها عربى وليس سريانى اى من شامخ او شموخ
لكن لو دورت لسنين بالخلف ستجد انها من العبريه تعنى (شمخا = مبارك ) (باروخ - اسمك ) اى مبارك اسمك هو مين بقى محدش عارف ومتقوليش اصلها بالنيه !!
طيب اخذت منين بقى ؟ من التراث اليهودى من الاساس وتعنى لديهم الرفيع المبارك أو العالى المبارك ومش محتاجه نقول هتبقى لمين لما يكون من يرددها اليهود


تعالى بقى لكتب الروحانيات هيقولك معناها ياحنان يامنان
طيب اصلا لو هيا حنان ومنان هل دول من اسماء الله الحسنى ؟
ولو هيا تعنى ايا كان مبارك اسمك او تعالى اسمك ولا تبارك الله
هيحصل حاجه لو حد رددها كدعوه بمعنها الحقيقى مثلا (تبارك الله )
ويعنى ايه اصل فى جن او خدام مسلمين مبيفهموش عربى فلازم تكلمهم سريانى ؟
طيب بما انك طلبت منى اراجع رايى بدقه
رايك انت ايه بقى هل عندك دليل انى لو قلت تبارك الله مش هيفهمها الجن الصالح الا لو قلتله شمخا باروخ ؟

فاحنا فى نقاش بسيط خالص اهو وانت اللى بتسئل هيا فيها شرك ولا لا
وبمجرد ما واحد قالك اه اعترضت مباشرة وعاوزه يراجع رايه
طيب مع احترامى لك لما انت متاكد انها صحيحه بتسأل ليه ؟
طالما عندك العلم والثقه والتأكد التام انه ليس بها اى شركيات وان جميع الشيوخ شرحوها باستفاضه امال بتطرح موضوع يقبل الرأى والرأى الاخر ليه لما انت مش هتقتنع غير باللى فى دماغك ؟

اسئل نفسك اولا
هل تعرف اسماء الشياطين كلها علشان تعرف ان جميع الاسماء السريانيه ليسن من اسمائهم او تعبد اليهم ؟
هل متاكد انه لم يتم تحريف اى دعوات او اقسام او اسماء سواء سريانى او غيره ؟