استشارة قبل تجربة إحدى الفوائد

كم عمرك ؟ وتصلى الفروض من عمر كام ؟
وتواظب على اذكار الصباح والمساء من عمر كام ؟

بما انك لست روحانى فى الأساس
كما أن سنك صغير
كما لم تتبع اذكار الصباح والمساء حتى من زمن

فاى طريقه تفعلها دا باعتبار انها سليمه 100٪
ولايوجد بها شرك أو جن وما الخ
لن تنال منها إلا العوارض ووقف الحال دا على الأقل
إن لم يتم سحبك للسفليات وقد تتعرض للهلاك

علما بأن جميع الكتب الروحانيه لا تنتمى للروحانيات بشئ
وان كان بها شئ يذكر يحتاج لتنقيح وتصحيح

فلا تتخيل أن الشيطان اغوى العالم أجمع
وأصبح هناك من يعبد البقر أو النار أو الشمس الخ
وحرفوا جميع الكتب السماويه عدا ما حفظه الله وهو القرآن الكريم

وتعتقد ولو للحظه أن الشيطان وأعوانه من البشر
سيتركوا كتاب واحد على وجه الارض
تستطيع من خلاله محاربة الشيطان
بل الكتاب مجرد خطوه من خطواته وخطه من خطته

فلا تقنع نفسك بعكس ذلك
ولا تغرك المسميات بالكتب ووهم القوة والخوارق
فما هيا الا وعود كاذبه حتى تضع قدمك فقط فلا رجعه منها

استاذ almonsieur ، اشكرك جدا على ردك.

بس بصراحة أنا ما فهمتش قصدك لما قلت: "إنت مش روحاني من الأساس وسنك صغير".

حضرتك زي ما قلت في آخر رسالتي، أنا حاولت أختصر قد ما أقدر، وان أنا بقالي سنين مهتم في العلم ده. أنا مش جديد في العلم ده، أنا الحمدلله اعرف حجات كتير، مثال بسيط إزاي أعمل السُبية الروحانية بأنواعها، وتعمير الأوفاق سواء كان تعميرها بسر ..... أو بسر ..... او او، وكمان أعمال المحبة والقبول وحتى تزويج البنت البائرة وغيرها.

لما بقول إني اتعلمت أعمل أعمال المحبة أو القبول، ماقصدش إني اتعلمت من الكتب. صحيح انه في كتب بتعلم الحاجة دي، لكن مش كل اللي يتكتب يتصدّق. أغلب الكتب اللي في المجال ده يا ناقصة يا فيها غلط.

أما من ناحية الكتب، حضرتك أنا ما كنتش بقرأ وأقفل الكتاب وخلاص، أنا كنت باخد ملاحظات في كل حاجة تقريبًا.

والكتب اللي أنا قرأتها ما كانتش زي كتب ....، دي كانت كتب أثقل في المضمون، مش مجرد كلام مطبوع.

وأغلب اللي تواصلت معاهم عشان أتتلمذ على إيديهم، يا إما طلعوا نصّابين، يا إما طلبوا مبالغ فلكية. زي ما بيقولوا: طلعوا عايزين بيزنس مش علم.

أما بالنسبة للخوارق، حضرتك أنا مش عاوز لا أمشي فوق الميّة ولا أطير في الهوا. بالعكس، أنا بحب أعوم وأطلع لما النسمة تكون حلوة، ولو حضرتك قصدك إن الواحد يشوفهم أو يسمعهم أو يحس بيهم، فأنا صارحتا مش عاوز ادخل في التفاصيل

وانا ق

وطبعا أنا الحمدلله عارف ايه الفرق بين الروحانية والشياطين او بصورة تانية الفرق بين العلوي والنوراني والأرضي وسفلي او ان تعرف الي حضر هو المطلوب او لا.

حضرتك أنا زي اول موضوع انت كتبته:

https://asrare.net/node/653658

انه عندما توفه معلمك (الله يرحمه ويسكنه فسيح جناته)، اصبحت بعد كل خطوة تخطيها تسئل نفسك ١٠٠ سؤال هل ده صح ولا لاء؟ أنا نفس الحاجه فأنا كل ما اخذ خطوة اسئل نفسي اسئة كتير وبينتهي بي الأمر بقراءة كتب منهم
اكثر من ٤٠٠ صفحة والي خالها اصعب اني معنديش مرشد

عشان حضرتك زي ما بيقولوا أنا عندي ١ و٣، ناقصني أعدّي على ٢ عشان أوصل صح.

أنا قريت مواضيع في المنتدى تحسها طلعت من ألف ليلة وليلة، أنا عارف إن لو حضرلي، مش هقول له اديني العهد وبعدين أقول له اتكل على الله دلوقتي لما أكون عايزك أرن عليك، وأقوله وانت جي، يبقى تعدي على البقالة اللي جنبنا تجبلي منها رصيد عشان أرن عليك تاني.

أنا مدرك إن الموضوع مش لعب ، وإنه مش هيجي عشان حلاوت عيني أو عشان شعري ناعم.

أنا مش بقول إني من كتر الكتب اللي قريتها والمعلومات اللي جمعتها عندي بقيت شيخ الشيوخ واللي يقرب مني حيتلسع ومفيش حد أدِّي، لا يا عم، اشطة.

وأنا الحمد لله ما مضرتش حد من ابل، مش عشان البي أبيض وأنا عسلاية، بل عشان أنت حتكون عملتلي إيه يخليّني أبعتلك حاجة تزغزغك وإنته نايم ولما تصحى يعملك حركت جون سينا. وحتى لو كنت عملتلي حاجة، أنا إنسان بحب أوسع دماخي ومببركزش مع التفاصيل، ومدرك إن دي نعمة زي مجتلي تأدر تتاخد مني.

أنا سبب دخولي العلم ده أولًا حب، وثانيًا عشان أعالج علّتي وأحميها.

فحضرتك أنا صارحتا قريت كتير من مواضيعك واستفدت منها كتير، لو في طريقة عشان اتواصل معاك في المنتدى بشكل خاص، اقصد معدش يشوف الرسالة الى انته، عشان الادارة رفضت التواصل على الخاص، عشان انا لو في امكانية عاوز اتبادل معاك بعض الفوائد ومستعد ابعتلك الاستخدام نفسو وطرق العلاج الي اعرفها،

اعتذر على طول الرسالة، حاولت اختصر قدر مادر​​​​​​​

قصدى بانك لست روحانى وسنك صغير
إن العلم الروحاني ليس كمثلا الثانويه العامه
من حفظ كتب وملاحظات واجتهاد فى الكتب
بل لا علاقه له بالكتب نهائيا وما بها من معلومات

واول خطأ اقنعتك به من الكتب أنه يوجد علوم علويه بها تحضير
وطبعا هيجيلك جن مسلم أو خادم صالح وما الخ
فباختصار لايوجد اى شئ علوى فى الكتب نهائي
كما أنه لم ولن يتم حضور اى كيان علوى لأى أحد بتحضير وبخور وما شابهه

أما بعد ما توفى معلمى
اتحدث فقط عن الرؤي وليس العلم نفسه
وتم فهم الموضوع بشكل خاطئ انتى ابحث عن من يعلمنى العلم نفسه

بل الرؤا حيث رؤياك مثلا بمجرد النظر لموضوعك أرى ما بها
وتنكشف كل ما بها من رموز وإرشاد وما الخ
وقد أرى أنا رؤيا خاصه بى تستغرق اسبوع كامل لفهمها وهكذا


فالكتب هتخدعك انك يمكن أن تمتلك خدمه علويه أو نورانيه
إما بالتحضير أو بأقسام وعزائم او اعداد حتى لسور لادخل لها
لذلك اخبرك بأن الكتب لا علاقه لها بالروحانيات

فلو مثلا ما اهدرته من وقت فى 2000 كتاب
اتقنته فى ايه أو سوره واحده من القرآن
لاكتسبت منها روحانيات ترفع من ترددك ووعيك
مما يؤهلك لفهم الأمور أعمق واكثر

ولكن لصغر سمك وهذا ليس عيب ولا تقليل منك
بل للطبيعه التى وقعنا بها كلنا فى ذلك العمر
فلسه فى وقت مراهقه وحب بقي ورومانسيه
وشهوات ستطغى عليك ومشاكل ستواجهها فى حياتك

فقد تحدث مشكله مع صديق مثلا
من وجهه نظرك أنه ظلمك ويستحق كل شئ
ووقتها ستستخدم كل ما يلقيه الشيطان فى صدرك لاذيته
وانت لا تدرى حتى انك انت المخطئ فى حق صديقك
فما طرف يري موقفه صحيح والا لما حدثت مشكله فى الأساس
فعدم النضج نفسه كفيل باهلاكك

ولفت نظر انك لست روحانى فى الأساس
تعنى ايضا أنه عند وجود مجربه ما مثلا
فهى ليست للعامه ولا حتى من يصلى ويؤدى فروضه فقط
بل من تروحن وتريض ايام وشهور وسنين
ولا اقصد بالرياضه صيام الروح المسيحى وما شابه
باختصار من وصل للأخلاق المحمديه وعمل بما علم

فالأمر ليس مجرد كلمات يتم ترديدها بعدد ووقت محدد
ولا مجرد قلب لايخاف حضور جن
ولا ملاحظات تؤخذ من علم مغلوط بالكامل

فحتى لو طلبت مثلا أن أعلمك وارشدك سارفض ليس لكونك لا تصلح
بل حتى مع وجود شيخ خلفك ستهلك فى سنك هذا
حيث ستواجهك أمور ستجتهد فيها بنفسك وتخلف كلام شيخ
وتتخذ إجراءات وتدابير وتقم باستخدامات ستتسبب فى وقوعك وخروجك من حمايه شيخك

كذلك لفتا لموضوع الكتب
نعم قرئنا جميعا كل الكتب التى تخطر على بال احد
لكن لم استخدم عن نفسي اى طريقه منها
ولو دققت فى كافه الردود والحلول أو العلاج الخ
عن طريقي لأى شخص ما لن تجد ما أفعله فى اى كتاب
الا لو كانت معلومات عامه

فهل تعلم مثلا أن المفاجاءات قد تتسبب فى هدر حياه شخص من اثنين
لنفترض انت خارج فى مكان ما وشخص ما صرع وما عليه نطق
ولو كان معك خادم حتى أو جن
اتدرى لو أن الناطق عل المريض اقوى من خادمك
سيهرب خادمك ويتركك لوحدك
وقد يقم العارض بضربك كف واحد ينهى حياتك
أو يتسبب فى عجزك وتقضي سائر حياتك على كرسي متحرك

او قد تهاجمه انت بطريقه غير صحيحه
ولا تستطيع صرفه أو احتواء الموقف
وتتسبب فى نهاية حياة المريض
أو إصابته بعاهه مستديمه

الأمر أعمق بكثير من معلومات عامه

السلام عليكم ورحمة الله وبركاته،

استاذ ال almonsieur ، عامل إيه؟ أتمنى تكون بخير وبصحة.

أولًا، بشكرك على توضيحك اللي حصل معاك في أول موضوع كتبته. أعترف إني فهمته بطريقة غلط.

حضرتك، زي ما قلت في في اول رسالتي(انا مش مبتدأ وانه مش كل حاجه في الكتب تتصدق، وانه أنا متعلمتش كل حاجة من الكتب ) وفي آخر رسالتي، (حاولت أختصر قد ما أقدر).

أنا مقلتش إن الكتب أقنعتني إن العلوي يمكن تحضيره، انا كنت بس بذكر الأنواع، واي حد بيقول انه بيحضر علوي شيل الشبشب واديه على دماغه، عشان بيهبط، العلوي مش بيحضر حتى لو تستعمل بخور من دهب، اولا العلوي مش بيحضر الى بأردته، اقصد انه بيجي متطوع وده عن طريق.....او.....،

اما بالنسبة للنوراني واشكلهم وتخصصتهم واسمئهم ودرجة الروحانية معاهم والفرق بين الراقي الشرعي، والمعالج الروحاني، والمعالج الرباني، و ال... العلوي و و و و مش هدخل في تفاصيل اكتر

حضرتك، أنا زي ما ذكرت في رسالتي، أنا إنسان بحب أوسع دماخي ومببركزش مع التفاصيل. أقصد، حتى لو حصلت مشكلة بيني وبين حد، حيكون عمل إيه يخليّني أبعتله حاجة توشوشلو في ودانه وهو نايم، تقول له بص الحركة دي، وطبعًا أنا قصدي واحد عمل مشكلة كبيرة بجد، مش حد ضربني او غلط عليّا او رفض يغششني في الامتحان

مفهمتش اصدك في اتدري لو ان الناطق عل المريض اقوى من خادمك سيهرب خادمك ويتركك لوحدك،

هو طبعا مش هيقول لي، إده، دي البت بجد، شوف يا عم احنا متفقناش على كده . حضرتك، هو مستحيل يسبني حتى لو العارض أقوى منه بمراحل، عشان هو عارف إنه مش هيلاقي إلا..... بعيدا عن ...... الي أحيانًا بتكون أشد من القتل. صحيح إنه يقدر يهرب، بس في حالات معينة زي ………، وووو وانا مش عاوز ادخل في التفاصيل العهود والخ

وطبعا لو أنا (صاحب علم، مش مدعي علم) حكون عارف إن في حاجة اسمها طبائع والفرق بينهم، زي على سبيل المثال (مثال) الطبع الهوائي صعب يؤثر فيه السحر، لكن سهل يتصاب بالمس أو اللبس وخصوصا من الجن… ، لأنه من ………

الطبع الترابي سهل يتأثر بالسحر مهما كان نوعه، حتى لو مش معمول له، وخصوصًا من الجن ……… لأنه من ………

وطبعا لازم تعرف إن كل طبع طريقة علاجه مختلف عن التاني، على سبيل المثال (مثال) الطبع الناري سهل علاجه، لكن الطبع الهوائي صعب جدًا ولازم يكون عندك خبرة وأعوان جامدة وتعرف ازاي تستعمل الاسماء، وإلا المريض ممكن يموت. وده طبعا لاسباب مختلفة زي........

ولازم تعرف الونهم وازاي تفرق بينهم وتعرف هما من أي قبيلة وايه دنهم ومن أي ………

وكمان لازم تعرف تعمل إيه بعد العلاج، سواء كان إزاي تقفل ……… أو تنظيم ال…… في الجسم.

وتعرف ازاي تتعامل لما المريض يكون ست او راجل، ومع الست كدا و مع الراجل كدا

وأهم حاجة لازم تعرفها هيا إيه أول حاجة تعملها قبل ما تبدأ العلاج، عشان العارض ما ......

وازاي تتكلم مع العارض، عشان طبعا انته مش هتدخل و تقول له يلا يله انا مستعجل في ماتش بين الاهلي و الزمالك عاوز اشوفه اطلع بئه وخلصني، وهوا يقول لك ماشي يا عم لو الاهلي ربح عطلع، بس لو خسر هتعبك معايا،

والمسئلة مش بس انك تدخل وتقول اخرج يا عدو الله، وطبعا مش اي حد بيقول اخرج يا عدو الله،

وحجات تانية كتير

اعتذر على طول الرسالة، حاولت اختصر قدر ما اقدر

صح كلامك إن في حاجات العقل مش قادر يفهمها، بس صراحة العمر ملوش دخل.

أنا نصحتك في موضوع إخراج فتى من عالم الجن، تحت اسم مستخدم ملاء (اللي هو أنا بس من حساب تاني)،

إنك لازم تكون عارف أنواع الأحجبة، وأهمممممممممممم حاجة إنك تقول لحامل الحجاب كل المعلومات من البداية، عشان ما يضيعش، زي مثلاً تقول له، ده حجاب تقدر تستخدمه في أي مكان حتى دورة المياه، وتعمل بيه أي حاجة في يومك زي الجماع أو العوم اواواوا أي حاجة، وعيش يومك بيه بشكل طبيعي.

مش بس تديه الحجاب،

لا للاسف لايوجد بالمنتدى طرق تواصل خاصه
تتيح أن تكون الرسائل بين فردين فقط

السلام عليكم ورحمة الله وبركاته،