هل لطريق الشفاء علامات؟

بنياميين
اول ماهو مطلوب منك كما اخبرتك من قبل أن لا تتحدث فى الروحانيات
ولا ترشد أحدا وانت فى نفس الوقت لست روحانى ولا حتى تريد ذلك
فالعوارض ليس لديها مخطط لمن ليس لديه رغبه فى كونه روحانى أن يبتعدوا عنه
فبالتالى تعرض نفسك لهجمات ورصد سترهقكك حتى تقع

ولا يوجد شئ اسمه لا تخاف وكلها ابتلاءات
وان كتب لى شئ سوف أخذه
فالمكتوب متوقف عليك وليس إجباريا نافذا مهما كان قرارك
فلو أوقعت نفسك بالتهلكه ستقع عليك التهلكه المكتوبه لك اذا اخترت طريقها
وان اتخذت طريقا صحيحا أيضا مكتوب عليك سيقع عليك ويقيك من التهلكه
فليس مطلوب منك الخوف لكن ما يقع على كل شخص نتاج أفعاله
وليس أمرا واقعا لا محاله وابتلاء

ولنفترض انك واثق من نفسك ومحصن وما الخ
العوارض والجن لهم خطط تتعدى الأمر بكثير
لابد من علم مستمر يقيك ويقي من يهمك
فلديهم القدره على معارضتك بعيدا عنك
كاغلاق سبل عملك ومصدر دخلك واهلك واصدقائك وأقاربك
وأولادك وزوجتك أن كنت متزوج و و و و الخ
حتى ينتهى بك الأمر وحيدا
ولا ينفعك وردك بشئ فانت تردده وانت مشغول بمشاكلك
ومشاكل من حولك وتفكر فى المال والولد و و و
فكانك تردد لسانك فقط بما تقوله دون نفع فيقع من عليك التحصين

وللاسف انت مقتنع أنه بالقول فقط كما قلت فيما سبق
أنا أقول تاج الذكر فكيف يستطيع الشيطان أن يفعل معى كذا
لكن الأمر ليس بما تقوله بل ما تدركه وتعرف معانيه وأسراره وتتعلق به فلكل حرف فقط وليس كلمه لكل حرف سر ومعنى

فستنبش العوارض كل طريق يشتت فكرك وخشوعك
لكى لا ينفعك اى ذكر حيث عندما يقرروا هجومك
تكون فريسه سهل الايقاع بها

فعندما يقرر شخص ما النبش فى الروحانيات
تلقائي تلتف العوارض حوله لكى لا يصل لما يفيده ويضرهم
وكلما اقتنع أن حل ما له نتيجه معه أو مع غيره وارشد إليه أحد
التفتت له عوارض الشخص الآخر بجانب عوارضه
وان كان الشخص الآخر لديه سحر فخلفه ساحر
يقوم خادم السحر بإبلاغ الساحر أن فلان ارشده لقرائه كذا
مثلا فى حالتك ابلغ المريض بقرائه ايه الكرسي
يقوم الساحر بالكشف عليك فيعرف اسمك واسم امك ومكانك
فيقوم مباشره بسحر موجهه تجاهك انت الاخر
ويخش واحد تانى يقولها لا سيبك من كل دا واقرئي سورة البقرة
يحدث كما حدث معك ولو ساحر وراها يعمله سحر هو كمان
فتلاقى موضوع مريض واحد اتحول ل 50 مريض
لمجرد أن كل واحد فيهم فاكر أنه بيعمل خير
لكن اثم وسيحاسب على كذبه واثمه لانه أرشد دون علم
فلم يهتم بتفاصيل حتى الرؤا أو حالة المريض ولن يهتم
هو اعتبر نفسه فهم الموضوع كله
أنه ايه الكرسي أو سورة البقرة بيعملوا اى حاجه وكل حاجه ومع اى حد

طيب ما الساحر نفسه بيقرء آية الكرسي
هل كده هو محصن يعنى ؟
أو هو شيخ كده مش ساحر ؟
وقد يكون بيقرئها بإعداد تفوق اى شخص
لكن يقرئها بهدف تحضير مارد سفلى أو جن أو أو
فما يقرء غير ما يعمل به وما يكون له تأثير فى كل أمر

قيصر العراقي
أن فسر الرؤيا من هو ليس أهل لها يقع جزء من تفسيره علي الشخص
لانه اوصل إليه تفسير سيعمل عقله الباطن على تنفيذه

مثلا شخص حلم اى حلم وفيه اكل وعزومه
جاله واحد مفسر وحكاله الرؤيا

قاله يبقي للاسف هتمرض مرض شديد
تلقائي عقله سيترجم الأمر انه سيمرض ويكون ملازم للفراش
ويبدء يخاف ويحضر نفسه ويوقف شغله
ويجهز فلوس تكفى بيته وعلاجه و و وما الخ

هل تعتقد بعد كل دا مش هيمرض فعلا
ولا هيحس بالاعياء الشديد رغم أن الرؤيا لم تكن لها اى علاقه بالمرض

طيب لو الرؤيا اصلا كان معناها فى نفس الوقت
أن والدة الرائي ستمرض ويحتاج لإخراج صدقه
وكان مقصد الاكل والعزومه فى المنام الصدقه لفداء والدته
وخلاص اللى فسرها فسرها زى ما قلنا بالاعلى
ستقع الرؤيا بمجرد تفسيره لها
فهيمرض هو بسبب تفسير الشخص وعقله ونفسيته
وفى نفس الوقت ستقع الرؤيا
وتمرض والدته لعدم تنفيذ المقصد


أما القدر لا يتغير إلا بأمر من الله من عبد الله
فالقدر مكتوب لكن يتغير بدعوه واحده
فمفهوم أن القدر واقع لا محاله غير صحيح
فالقدر مكتوب هكذا مثلا
أن فلان والدته ستموت يوم كذا
لكن مكتوب ايضا فلان لو أقام الليل بعد مرض والدته الشديد
وبكى بالدعاء ان يشفيها الله ويطيل من عمرها وما الخ
لن تتوفى والدته هذا اليوم وستتوفى يوم كذا

فبالدعاء تتغير الاقدار كذلك بالصدقة وفعل الخير

لذلك لا يجوز أن يقص أحد رؤياه على أحد
الا اذا كان يحبه فلن يفسرها على وقوع مكروه
أو كان أهلا لها صاحب علم
فتأويل الأحاديث علم وليست دراسه وثوابت

ماسة زرقاء
لا مشكله فما هى إلا اعراض ومحاولات لفتح مجال لعودة العوارض
أو تخويفك والتشويش لايهامك بأنه لا مجال للشفاء
فاستعينى بالله الواحد الاحد

بنياميين
انصحك بالتركيز على العقيده حيث هناك أخطاء تحتاج لمواضيع
كقولك أن الله هو الذى يفعل هذا السحر أو الضر
وأنه لا يمكن الضرر طالما أن ترشد أخاك للذكر

وكام نقطه بس ركز عليها تفهم ما اقصد أن يصل إليك

*أن كان حل مشكلة كل فرد فى أن ينصحه أخيه بالذكر
فلماذا سيكون هناك علم ربانى وبصيره ربانيه وكشف وما الخ
فعلى كلامك الف باء روحانيات هتكون
ردد ايه الكرسي ومبروك بقيت روحانى
والل بعده سورة البقره الف مبروك تقدر تعالج


* قولك انا أتابع مع الاخت من شهرين دون تحسن
انا لست دجال أو ساحر يوهمون البشر أن العلاج بأيديهم
فكل ما أرشده للأخت أو غيرها ماهو الا فك شفرات الإرشاد الربانى
لها عند طريق جنده سواء كان اعراض أو رؤيا
وانا لا اشفي ولا احمى ولا ولا بل الأمر كله لله
واى تحسن فى حالة اى مريض بفضل من الله

* قولك لو كلامى صحيح لكان نصف العالم مسحورين
طيب ما دا فعلا حقيقي ولا مش واخد بالك لسه أن الشيطان يسوقوا البشر
وأغلب البشريه لا تعرف الله ولا يتعدى الايمان حناجرهم

بل بجانب ذلك من اين لك أن تتأكد انك نفسك لست مسحورا؟

أو ما تحركك وترشدك فى عقلك لبست عوارض شيطانيه
تستخدمك لتكون سببا فى بعد من ترشده عن الله
ولو كان ذلك عن طريق الذكر ؟

* أما قولك أنهم يضروك فى رزقك مستحيل
الرزق من عند الله لا احد ينكر ذلك
لكن قد تغلق أبواب الرزق للعبد من العبد نفسه
بسبب ما يفعله من أخطاء فى حق نفسه وحق الغير
وذنوب أو كبائر أو شرك اصغر لا يدركه و و
فتغلق الشياطين على الشخص مصادر رزقه
وتتسبب فى مشاكل فى عمله
وتتدخل فى وقف حاله وخسارة أعماله ونفور زبائنه
وخصومات مع أهله واصدقائه وأهل بيته
وكل هذا بأمر من الله سيترك كل هذا يقع على العبد
لحكمة لا يعلمها الا الله
لكن الضرر وقع بإذن من الله وليس من الله كما ذكرت انت

بنياميين
اما قصة الارشاد لا يسبب ضرر وما هو الا نصيحه من اخ لاخيه
هحكيلك قصه باختصار كده حصلت معايا انا شخصيا وعلى فكره حصلت معايا مش علشان انا روحانى اصلا
وكمان اللى حصل حصل بسبب واحد صديق لى لكن لايعرف من الاساس انى روحانى
وهو يعرف صديق اخر لى

الاخ صديقى دا هنفترض اسمه a
وانا b
ولينا اتنين اصدقاء كمان c & d
والاخ c دا روحانى واللى يعرفه اخونا a انه ليه فى العلاج وكده يعنى لكن ميعرفش عنى انا شئ

اغلب الاوقات نتجمع كل فتره ممكن فى صلاة الجمعه او كل اسبوعين تلاته كده يعنى
انا b وصديقى c فقط من نعرف بعضنا البعض ونعرف اننا روحانيين وما الخ
اخونا a بتاع كله بقى اللى هو بيضربوا بيه المثل على المصريين
(مفيش مصرى ما بيفتيش) او (مفيش مصرى بيقول معرفش )

اخونا a كلمته بنت عمته او بنت عمه تقريبا مش متذكر المهم قريبته يعنى
قالتله احنا حاسيين ان البيت اللى نقلنا جديد فيه مش مظبوط وفى حاجات غريبه بتحصل كده
فتعرف حد كويس ييجى يبص على البيت ؟؟

طبعا هو ابو العريف لا سئل اخونا c قبل ميروح ولا سئله حتى بعد ما راح
راح اخونا a لبيت قرايبه وقعد يبص فى السقف وبتاع وعمل فيها ابو الشيوخ
وقالها دى مشكله عمار متشغليش بالك
اقرئى بس سورة البقره وكل حاجه هتبقى تمام

(باختصار كده علشان تعرف تربط الاحداث :- المنزل مسكون فعليا من قبيله كامله من الجن)

فى نفس اليوم بعد مراح اخونا للبيت وهو راجع قابلنى انا فى الطريق
فطبعا هو ميعرفش عنى حاجه فمش هيقولى حاجه لكن قالى ايه بقى
وركز فى القادم دا علشان تعرف اد ايه الجن مخه على اده وتعبان فكريا

قالى ايه اخونا a :- يوم الجمعه اللى جايه ضرورى اوى اوى تكون موجود عند c
وهيكون موجود كمان d علشان عاوزكم فى موضوع ضرورى

اللى الجن وصله من ذلك الاشعار طبعا بعد ما اخترقوا اكيد قرينه وعرفوا هو قابل مين وقال ايه وما الخ
ان a و b و c و d هيتجمعوا الجمعه علشان يتفقوا علينا ويتدخلوا وكده

فقررت تلك القبيله الموقره الهجوم على كل من a ,b ,c ,d
طبعا انا والاخ c منعرفش حاجه ومعرفناش غير بعد كل دا ما حصل وانتهى اصلا

فيوم الخميس ما يسبق الجمعه
حرب لم ولن توصف اذ فجأه كده هجوم من كل مكان تتخيله عليا وعلى الاخ c
وكل واحد فينا صاحى مش فاهم فى ايه وايه اللى حصل غلط اصلا
والحمد لله رب العالمين نصرنا الله وايدنا بنصره

لكننا قعدنا مع بعض الخميس نخمن القصه بقى يمكن فلان عمل حاجه غلط
او المريض فلان خبط فى شئ او حد عمل مش عارف ايه الخ

لغايه ما جه تليفون بقى من طرف الاخ d انه عمل حادثه فى الطريق يوم الاربع بالليل
وعدت والحمد لله بسيطه لكن شرخ فى قدمه وهكذا
لحد هنا برضه احنا مفهمناش حاجه

يقوم اخو الاخ a بقى مكلم الاخ c ويقوله الحق صاحبك عمل حادثه امبارح بالليل
ومتكسر مرمى فى المستشفى
هنا بقى يبقى فى حاجه غلط
فانا افتكرت مقابلة الاخ a لما قالى ضرورى اوى اوى نتقابل الجمعه
فبلغت الاخ c وقلتله اعرف من اخونا a ايه اللى حصل بالظبط

فراح زياره له وسئله اكثر من مره وهو مصمم انه مفيش حاجه
لغايه ما قاله حصل كذا كذا وانا قلتلها كذا وكنت ناوى اخد رايك يوم الجمعه لما اقابلك
وانا مروح قابلت b وقلتله اننا هنتجمع يوم الجمعه قالى هكون موجود

فتخيل بقى ارشاد لوجه الله اهو على طريقتك انا بعمل خير ومقلتش غير ذكر لله
حط اتنين فى مستشفى ولولا فضل الله ونعمته علينا لاصبحنا نحن الاربعه كل واحد فى مستشفى
رغم ان كل فرد منا يعيش فى مكان مختلف عن الاخر ويعمل عمل غير الاخر
ولم يعرف احد منا شئ ولم يتدخل ولم يقل حتى اى كلمه تخص ذلك المنزل غير اخونا a فقط لاغير

ودرس له من الله تعالى عز وجل
حتى صديقنا d امره خفيف ولطف الله به والحمد لله

اما اخونا a والذى خرجت له سياره حتى الان لم يعرف من اين خرجت
فخبطته من الامام ليرتد للخلف وتصدمه سياره اخرى من الخلف فى نفس الطريق بحيث ان طرف منهم يسير بعكس السير
كسور فى ضلوع الصدر والازرع والقدمين وقام بعمل عمليتين وظل فى الفراش دون مصدر دخل ولا عمل لمدة 4 شهور
حيث يعمل صنايعى باليوميه فمرضه يعنى زيرو دخل لانه شغال اليوم بيومه

فلا نستعرض هنا قوتنا ولا نقول اننا واننا واننا
بل لا تستحقر عملا ولا تستسهل مرضا ولا تقلل من شأن مريض لمجرد عدم قدرته على الاستمرار
ولا تظن انك قادرا على التصدى لكل شئ دون العلم به ودون حماية الله وجنده وارشاده لك
فقد يؤدى تدخلك بتعرض احد لادخل له بالموضوع للخطر لمجرد فقط انه قابلك او فى حياتك
اسئل الله ان يهدينا ويهديك الى الصواب والحق