عوراض وجآن في المنزل.

فيصل حق
معرفة السبب هيفرق طبعا فهل هو فعلا جن او عوارض
ولا عمار المكان ولا شئ اخر ..

تقدر تبدء بكم خطوه ومن بعدها يظهر الأمر اكثر باذن الله

* ترتيب المنزل ميكونش فى كراكيب وحاجات قديمه كتير فى كل مكان ملهاش لازمه
* طبعا مع الخطوه الاولى ازاله الاتربه وما الخ
* ان كان صعب عدم ازاله كافة الصور المعلقه فعلى الاقل تقليلها وخاصة صور الاشخاص المتوفيه
* ان كان يوجد العاب ودمى ذات رؤؤس وعيون وغير مستخدمه يعنى مفيش اطفال بيلعبوا بيها يجب التخلص منها
* ان كان يوجد مرايات بالمنزل تكشف احد وقت النوم او عند تغيير ملابسه يجب تحصينها وتغطيتها
تحصين المرايا بالقرائه عليها بـ (بسم الله الذى لايضر معه اسمه شئ فى الارض ولا فى السماء وهو السميع العليم 3 مرات)
ومش شرط تغطيه كافة المرايات تغطى المرايات اللى كاشفه حد بس وقت النوم او وقت تغيير الملابس
وتحصن جميع مرايا المنزل عدا اى مرايا داخل الحمام يفضل تغيير مكانها

ان متاح لديك مسك احمر سايب زجاجه صغيره تفى بالغرض
تفتح فوهة الزجاجه وتقرء عليها اذكار الصباح او اذكار المساء حسب وقت القرائه
وتجيب بخاخه تملئ بالماء ونقطه من المسك عليها وترش بها اركان وحوائط المنزل عدا الحمام طبعا
ويكون الرش لـ 3 ايام متتاليه

وبعد كده يظهر الامر اكثر باذن الله هل الامر تغير واصبح المنزل مختلف
ام يوجد ما يحتاج امر اخر

فى حد من أهل البيت اهم شئ محافظ على الصلوات والتحصينات
احنا مش عايزين الحل قبل القوه
ببساطه مينفعش يكون مثلا أهل البيت كلهم بدون صلاه أو تحصين
وابعتله حاجه يضرب بيها كل اللى موجودين وعاملين مشكله
فهيضربه النهارده بالبلدى كده قلمين التانى هييجى بكرا يردله كل قلم ب 100 قلم

فلازم الشخص اللي هيعمل شئ أو نبلغه هيعمل ايه
يكون مواظب على الصلوات والطهاره وياخد اذكار ولو بسيطه يفضل ماشي عليهم

لو فى حد فى أهل البيت ماسك نفسه بلغنى وانا ابعتلك يعمل ايه

فى أمر هنا فهناك شيخ معالج كما تقول ومتمكن وما الخ
فلو تدخلت أنا فهبوظ ما يفعله ولن ينجح ما ارشدتك إليه ولن ينجح ما يفعله هو
فطالاما فى شيخ وشايف المكان رأى العين وعلى كلامك متمرس
فيكون شايف وعارف ايه المشكله ومتى وكيف حلها
فواجب عليهم اتباعه وواجب عليه حل المشكله
فلا يمكن لأى شئ أن يتدخل فيه أكثر من شخص وينجح
بل سيزيد الأمر ربكه وسيفسد الأمر فلكل شخص طريقه

الافضل لا طالاما هناك شيخ فيسئلوه وطالاما هو موجود يبقى ممكن يقدم ورقه توضع فى الماء ويرش به المكان
ستكون اقوى من ما يفعله اهل البيت من نفسهم او من سماع كلام احد اخر
ولو نفذوا كلام شخص اخر ويوجد معهم هذا الشيخ فقد يتعارض ما فعلوه مع ما يحاول ان يفعله فتتعقد الامور
وهو مش شرط يكون هيعرف لوحده لكن بعد تحسن شخص هيلاقى انه بيتعب تانى ويتعالج تانى
فواضح انه يقوى الشخص اولا ليكون اهلا للامر يكون الشخص ذات نفسه قوى لايؤثر به شئ

وقد يكون البيت لايوجد به شئ والاعراض خاصه بالشخص او اكثر من شخص
ولكن مع كلام الناس والشيوخ يرسخ فى عقلهم ان المشكله من المنزل
او قد يكون هناك شخص بينهم غير صادق ويفعل امر ما مما يؤدى لمشاكل كوجود كتاب روحانى معه او قرائه عزائم من الانترنت
او التخبيط عموما فى مجربات ورشها بالمكان وما الخ


الطبيعى فى اى حاله سواء علاج سحر او رش فى مكان الخ
هى بمثابه اعلان حرب على مسبب المشكله وتكون اما بالانذار اولا
او بالحرب مباشره وهنا يقع ضرب واصابات وما الخ
فلازم يكون الشخص اللى هيعمل كده مؤهل اصلا انه يعمل كده

خد مثال كدا كان العارض دا شخص بلطجى وعمال كل يوم يضرب المصاب
فعامله خنقه وضيق وفزع وخوف وتكسير جسم و و و الخ
فلما نقول للمريض دا خد الذكر دا وامشى عليه صبح وليل
كانه بالظبط مسك شومه ونزل ضرب فى التانى على طول
فالتانى هيقاوح مره واتنين وتلاته وهيلاقى نفسه كل يوم ينضرب هيهرب ويخلع
طيب هل انتهى الامر ؟
لا
مهو رجع المريض تانى لحياته بدون صلاه وذكر ورمى الشومه فى الشارع خلاص
هيجيله البلطجى تانى ومتنرفز اكتر هيقوله اكنك كمان عملت نفسك فتوه وضربتنى
طب تعالا بقى ويكسره خالص
فالعلاج مش شئ مؤقت
العلاج الصحيح هو التعلق بالله والتوكل على الله والحفاظ على الصلوات والذكر بدون اى شئء
لكن للاسف الناس بتفتكر الذكر بس وقت المشكله

ودا سبب وشرح لـ ليه انا مثلا او بعض الشيوخ بيقوله قول كذا واعمل كذا
يقدر الشيخ بكل بساطه يتدخل فى الامر وينتهى الامر لكن الشيخ هيمشى خلاص وينسا المريض ويشوف غيره
هيرجع تانى السحر او الجن الخ لانه مشى خوفا من الشيخ وليس من المريض
فيبقى المريض عاوز الشيخ يعيش معاه بقى يحصنه صبح وليل يسيب حياته ويتفرغله ودى مستحيله
ودا رد على سؤالك الاخير
لكى يقوى المريض اولا فيكون جسمه اصبح مؤهلا لصد الهجمات نفسها
ولا يتعرض للاذى مره اخرى فور ترك الشيخ امره
ووقت الجد وانه متابع ومواظب على الصلوات والاذكار الخ
وفكرت بقى العوارض ولا الجن الخ يتكاتروا على المريض
يتدخل الشيخ ولو من على بعد بكف اذاهم عن المريض والبعد عن بيته وما الخ
ويسيب بقى المريض محصن نفسه ومحصن بيته وبقى حوالين المريض نفسه ملائكه ذكر وروحانيات
فلو نساه الشيخ مش هيعرفوا يرجعوا بقى خلاص المريض قفل عليهم الباب وبقى بيته مشع من النور
كما ذكرت انت
ودا طبيعى ان يكون فى بيت فيه اماكن واماكن كغرفه مثلا يخافها الشيطان والاخرى لا
او عمار المكان نفسه تتشكل على شكل اصحاب البيت
يعنى فى شخص فى بيت ذكر وعبادات وصوم وصدقات و و و
يكون بالعمار جن صالح ومسلم وغير مؤذى
وفى نفس البيت شخص اخر يفعل كبائر وعاصى ولا يصلى يكون ايضا فى عمار المكان جن كافر ويهوى ومؤذى
ويحاولوا بشتى الطرق التشويش على الشخص الصالح

ولو كل اهل البيت على الصراط المستقيم
تكون عمار البيت بالكامل من الصالحين وقد يساعدوهم دون ان يدروا
ويمنعوا دخول اى جن مؤذى او حتى لو حد رش سحر ولا اى شئ ممكن يبطلوه

ولو اهل البيت كلهم من العصاه
تكون عمار البيت بالكامل من اعته المجرمين من فصائل الجن
فاللى يخش البيت وهو شخص صالح قلبه ينقبض كده وعاوز يقوم يمشى
وطاقه المكان كلها شيطانيه


---------
اما الشيوخ اللى بتتدخل على طول دى مش شطاره
دول معروفين علشان بياخدوا فلوس فبيعملوا هما الواجب ويمشوا
سواء بقى كان بالقران او ساحر اصلا
وعارفين ان الامر سيعود مره اخرى وهياخدوا فلوس تانى فهم المنتفعين
وعلشان يشتهروا بقى وكل احد من بقاع بلده يقول محدش يحلها غير الشيخ فلان
لكن احنا هنا مش جايين نفرد عضلات ولا نثبت اننا جامدين ولا عاوزين نشتهر
فكل ما نمره يتم بأمر الله وباذن الله وحده ولوجه الله
فيا يكون العلاج صح يا بلاش

اما بقى موضه الشيوخ الجديده اللى شوفتها فى اكتر من موضوع حتى الان
ان دا شيخ وبيقول المشكله لكن الحل مش عنده
او الشيوخ اللى بترفض التدخل فى حالات السحر السفلى
دول سحره من الاخر وعرف بس ان خادم الساحر اللى عمل السحر اقوى منه الخادم اللى معاه
وعلشان الساحر ميسرقش الخادم بتاعه يشغله لحسابه فعمل نفسه ملوش فى العلاج ومشى
لان اعلان الحرب من ساحر على ساحر نهايته من سيفوز بسرقه خادم الاخر

لكن مفيش شيخ هيعالج بالقران ويقول لا دا سحر سفلى علاجك مش عندى
امال بيعالج ايه انف واذن وحنجره مثلا
هتعالج يبقى اى حاله واى مشكله ايا كان حجمها ومسببها
وسيرفض فقط الحالات اللى صاحبها نفسه مش سالك وكذب عليه او يفعل امر ما مخالف لشرع الله
او عايش فى بيت مشبوه ونجس من اوله لاخره
ففى تلك الحالات لن يتدخل المعالج بالقران

هو دائما تطهير المنازل تكون فى اغلب الحالات بالرش والبخور عموما
فسيكون التاثير على الاركان والحوائط التى تم الرش عليها
اما منزل مجاور او حتى غرفه مجاوره لم يت رشها لن تتأثر

احب ابشرك واقولك لا :d
هو كده كده هيفضل جنب اى حد على وجه الكون ولو كان روحانى حتى
يجيله من اليمين والشمال و و و حتى يقع فيقدر ان يضره
لكن الفرق انه لم يعد قادر على التحكم به او لو فى حاله السحر ان اعراض وغرض السحر يتم
لكن هيفضل ماشى وراه ومراقبه وطاير فوقه وكل ما تتخيله من ترصد حتى اللحظه المناسبه
من غفله او غضب او شهوة او خوف الخ
فلابد من التحصين الدائم والصلاه لكى لا يكون فريسه لكل شيطان ضال وساحر لايخاف الله