تحضير خادم رحماني لسوره يس

ما هو المرض العضال السبب فى اعتقادك ان الحل فى تحضير خادم ؟

mohamedx20t

وعرفت منين ان الخادم هيفيدك بعلمه او هيحكيلك عن تاريخه ؟

هو يسمى خديم وليس خادم مش شغال عندك يعنى بمعنى اوضح هى مصلحه متبادله هيعملك اشياء مقابل انك تنفذ ما يطلبه منك .

والخديم عمتا بمجرد تحضيره بيوقفك تماما عن اى علم واى تقدم خلاص رحلتك انتهت عنده لا فى ارتفاع روحانيات ولا فى دراسه ولا فى ارتفاع وعى ولا فى رتب ولا ارتقاءات ولافتح بصريه ولا ولا ولا .

انتهت رحلتك بشكل قاطع مع من قمت بتحضيره بل وبعضهم يحدد لك اى من القران الكريم يمكنك قرائته فقط وما الذى لايمكنك قرائته .

ومن يمكنك ومعالجته ومن لا يمكنك حتى النظر تجاهه .

دا غير بقى الاغراءات ويقولك طب تعمل جلب لدى وتروح فى المنام لدى وايامك هتبقى لذيذه يعنى لغايه ما اى ذرة ايمان كانت فى قلبك تختفى تماما .

مش عارف صراحه بتجيبو منين ان الخادم دا سوبر هيرو بيعمل كل حاجه وبينزل بقى يصاحبك وتقعدو مع بعض على القهوه ويحكيلك امجاده وقصص اجداده دا ممكن مع اول هجوم عليك يختفى ويهرب ويقطع العهد اللى بينك وبينه عادى يعنى معندوش مشكله .

بل هو جن سينتظر فقط خطأ واحد منك لكى يهدم حياتك كلها رأسا على عقب فانت تحضره مجبروا بعزيمه ما او طلاسم ما ولن يكون سعيدا بتحضيرك او خدمتك .

فان كنت متزوج سيضر زوجتك وابنائك وان لم تكن فلن تستطيع وان استطعت فستكون زوجه غير صالحه .

فسيضعوا جميع من يمكنهم خدمتهم فى طريقك وستكون انت وسيله وليس غايه يريدوا تحقيقها عن طريقك
من الاخر هتكون مجرد لعبه فى ايديهم يحركوها يمين وشمال فقط لاغير
* هتطلب علاج حاجه تلاقيهم بيطلبو فرخه سودا تدبحها مش عارف فين
* وتطلب فك سحر يطلبو رجل ضفدع اخضر سومالى مش عارف منين .

واعلم انك من الان فى خطر وليس بعد التحضير فبمجرد حضور النيه يحضرون لمكانك ليروا على ماذا تنوى ولاى هدف تريد
ويخططوا مين اصغر طفل لديهم ليرسلوه لك عند التحضير ليجعل منك مزحه فى عالمهم
ويخبطك يمينا وشمالا حتى تجن او تكفر او تموت .
ومش معنى انك عاوز تحضر (X) فتتوقع ان اللى هينزلك ويظهرك هو (X) هو فقط هيعمل نفسه مستر X
وممكن عادى يقولك انا اسمى محمد ويطلع عفركوش .

وستيدء المشاكل الروحانيه تنهال على اهلك واهل بيتك ليجعلوك مصرا على اتمام الامر
ولكى تنفذ الجميع وتعتقد ان الامر متوقف عليك والكون كله يضيع بسبب تأخرك وتفكيرك العميق فتتسرع وتقع الفأس فى الرأس .

فلقد حظرت من قبلك من اتبع ما تفكر فيه وكل همه وهدفه هو التحضير واننى لا اريد ان اساعده وانت شوفت الردود والمواضيع ومع ذلك لم تنتبه لما تم سرده بها .

-------------------

almonsieur

فعلا عندك حق معرفش عقلي كان فين
انا شوفت تعليقاتك بردو اللي قبل كده و انت بتحذر الناس و قولت خلاص
لكن كل شويه بفكر في الموضوع بس خلاص الموضوع ده اتنهي خلاص
بجد شكرا اخي يعني ربنا حطك في طريقي ممكن علشان ينبهني و يوقفني عن اللي داخل فيه

mohamedx20t

انت لديك مشكله وارشدك الله مناما لحلها بخواتيم سورة البقره واية الكرسى

فاتبع صباحا ومساء
صباحا (من بعد الفجر وقبل العصر)
مساء ( من بعد العصر وقبل الفجر )

* اية الكرسى 11 مره
* اخر اّيتين من سورة البقره 3 مرات
* لا إلهَ إلاَّ اللَّه وحْدهُ لاَ شَرِيكَ لهُ، لَهُ المُلْكُ، ولَهُ الحمْدُ، وَهُو عَلَى كُلِّ شَيءٍ قَدِيرٌ 100 مره

قبل النوم : اية الكرسى 11 مره

mohamedx20t
لان الجن المسلم المؤمن يقينا عابد لله لديه ورد مثل الروحانى بالظبط ويصلى ويسبح وما الخ
وحتى لو عرفت اسمه ولنفترض عرفت طريقه تحضيره لن يحضر فلا يتم تحضيرهم ولا يتم تسخيرهم
يمكن ان يساعدك او يحضر فى مكانك اوقات الذكر فقط بل ويساعدك دون ان تراه او تعرفه بأمر من الله فقط لاغير

اما اللى هيحضر هيكون مسلم عاصى بمعنى اوضح زيه زى الشخص العادى زيه زى واحد صاحبك مثلا
بيصلى عادى ويصوم مثلا بس بتاع بنات وبيشرب مخدرات مثلا وممكن يمد ايده عادى او لا يغض بصره عند دخوله منزلك مثلا
فالتانى مثله بالظبط متقلب وليس على صراط مستقيم فهيغويك عادى لان قلبه متغير (مسلم شكليا بس او اسما بس )

دا كلام الكتب انهم خدام لايه ما او سورة ما من القران
ولكن هى خدعه فقط لتوهم نفسك انك تعمل بالقران وان تفعل المحرمات وما الخ معتقدا ان هذا هو الصحيح

ناخد مثال على اية الكرسى مثلا :
لو بتقول ورد لايه الكرسى بغض النظر عن العدد ونيتك ليس خالصه لله تعالى وحده لاشريك له
وهنا النيه مختلفه تماما عن التفكير (عادى ممكن تقول نطق وتفكير انا بعملها لله فقط)
(لكن النيه الحقيقيه هيا للروحانيات فقط او الكرامات التى تحدث بسببها فقط)
فخدام ايه الكرسى نفسهم سيسلطو عليك قرينك والعوارض المحيطه بك
وستكون من اقوى العوارض فتخيل مع قوة ايه الكرسى ان العوارض التى ستاتيك لن تتأثر بها
ولن تكون لك تحصين منهم وهنا ياتى دور المسلم العاصى فهو بطبيعه الحال واخد على قرائه القران
فلن يؤثر فيه او يحرقه و و و وما الخ
كما يعتقد الاغلبيه ويقول ازاى يعنى هيجيلى عوارض دانا بقول ورد اقوى ايه تحصين فى القران الكريم

ويتشكل لك العارض كنورانى وتشوف نور وتشم روائح طيبه
ويوريك منامات وكشف واسقاط نجمى ويخيلك فى العالى تماما ومعتقد انك كده فووووووق
ولديهم صبر لايمكن ان تتعداه فلديه القدره على مجاراتك اكثر من 10 سنين على هذا الوضع
وتلاقى طول المده حياتك كلها بتتغير من وقف حال لامراض لمشاكل زوجيه بلا بلا بلا
واحلام مرعبه وخيالات بمكانك وعلاج لناس لايصح وكشف ويطلع كاذب
وتقول لنفسك ازاى يعنى انا مع ربنا ازاى كل دا يحصلى

وكل ما تقول ازاى يخشلك من ناحيه تانيه باى اغراء
كعرض من جن يقولك تعالى بس قول كذا وانا اعملك كذا

انت واجع دماغك ليه وعاملنا فيها شيخ
سيبك من كل دا وخليك معايا كام يوم وانا اعملك اللى انت عاوزه

وكل ما تبعد خطوه وتعمل ذنب ولا ظلم لحد وضميرك يبدء يانبك تلاقيها نجحت
والدنيا بدات تحلو معاك وبقت وردى وفل الفل ويجيبلك منام يقنعك انك صح وكمل

ويجيلك ايه من القران تلاقى تفسيرها على مزاجك وان الغلط اللى عملته دا مش غلط دا صح

حتى تتيقن تماما انت ان الذكر والطريق مع الله لايفيدك وينتزع الايمان من قلبك
وكل دا وخدام ايه الكرسى هيتفجروا عليك عادى جدا وانت بتضييع لانك نيتك غير خالصه

فالروحانى مش بالورد اللى بيقوله ولا بالمنامات اللى بتظهرله
الروحانى بالقلب السليم الخالص لله تعالى وحده لاشريك له
فلو الشخص مش نضيف من جواه والله لو تعبد عمره كله لن يفيده بشئ
ولو اكل وشرب قران . واصبح عمله الصلاه والصوم والزكاه . وردد طول منامه الاذكار والتسابيح

------------------------------------
انصحك بقرائه قصة الراهب برصيصا
وافهمها جيدا ستعرف الى اى مدى ممكن ان يصل التلاعب
---------------------------------------
دى مشكلة الانسان نفسه انه عاوز الدليل عيانا والحل سماعا فمعندوش اليقين انه يقدر يعمل كده من غير ميشوف ويسمع
عامل كده زى اللى معندوش شخصيه مثلا فعاوز يتجوز بس مخلى اصحابه هما اللى يدوروله على عروسه تكون مواصفاتها حلوه

ميعرفش ان افكاره نفسها والتلميحات بل وحتى كلام الناس اللى معديه بجواره او يافطه محل بها رسائل موجهه له من الله تعالى عز وجل
بل وحتى الشخص الكافر تاتيه ارشادات من الله المهم هيعملوا بيها ايه وهيشغلو دماغهم فيها ازاى
وهل هيشكرو ويحمدو ويعرفو ان الله بجانبهم ويرشدهم حتى وان كانو عاصيين ويتوبو الى الله
ولا هيعتبروها فهلوه وشطاره وبيعرفوا يجيبو الدين من ديله ومش محتاجين حد والدنيا بتاعتهم

فعاشق التحضير عاوز حد يقوله وخلاص ويكون جنبه ويعتمد عليه
مش عاوز يشغل دماغه ولا يتعب ولا يفكر ولا يقعد سنين يقول اذكار وبتاع
عاوز انجاز علشان يقنع نفسه انه صح وخلاص ومع الله
وميصليش بقى بحجه منا كنت بعالج فلان وفلان فدا افضل واقوى وخير
فعملت انت ايه يعنى لما روحت صليت
واسبح واذكر الله اوقات كتيره ليه ولا اعداد كبيره ليه مخلاص ربنا كرمنى ومعايا جن مسلم بيرشدنى ويوجهنى
فانزل اسعى فى الارض بقى لاصلاحها واحميها من الناس اللى عامله فيها بتعرف ربنا دى
---------------------------------------
التحضير فى حد ذاته هو غصب واكراه
يعنى مش زى ما الناس فاهمه انك محتاج نمره تليفون الجن بس علشان ترن عليه فييجى يقعد معاك
وهييجى فرحان بقى ومزاجه حلو ويقولك ياعم فينك من زمان دانا مستنيك اخيرا عملتها
العزيمه اوطريقه التحضير يعنى يحضر مكانى غصب عنه والا هعمل واعمل واعمل وهبهدله لو مجاش
الامر ليس مجرد كلمات فقط فهو اجبار واحضار بالقوه الجبريه للجن المطلوب تحضيره
وان ينصاع لمن قام بتحضيره والا ستنهال عليه الاحكام والتهديدات وما الخ

لذلك عن التحضير يحضر الجن بابشع صوره له وبطريقه مباغته مفاجئه
لكى يرى ما ردة فعلك فان خفت او ارتجفت وملئ قلبك بالرعب
احب اقولك ربنا معاك انت كده ضيعت وانت وحظك
يا يموتك يا لطشه فيها شلل نصفى بقى او فقدان نظر وما الخ
وان كان لديك احد فى بيتك فاعتبرهم انتهوا هيخرج يخبط فى كل من فى المكان

ان لم تخف وعديت المرحله الاولى يكمل معاك بقى حسب شخصيتك ودنيتك لغايه ما يوصل برضه لمبتغاه
ففى كلا الحالات انت هالك لا محاله
هيطلب منك كل ما يضعفك جسديا وروحيا
كصيام الروح لفترات طويله مع خلوات مرهقه
دا غير التحميل على عضم جسمك ورأسك عند حضوره وهيجيب معاه الشله بتاعه عادى تحمل عليك
فتلاقى دماغك دايما بتحدف لقدام وعضمك يتكسر كلما مر الزمن

اما يكلمك ويوشوشك هينفخ النار فى اذنك يمينا وشمال لكى تفقد السمع فيما بعد

والموضوع يطول شرحه المفيد انه سيفعل كل ما يضرك ولا ينفعك
------------------
تم الرد عليك بما يمكنك اتباعه وما ظهر لك مناما
-------------------------

قيصر العراقي
طالاما انها خالصه لله تعالى فستظل روحك ترتقى وترتفع رتبا ووعيا
وليس شرطا ان تصبح روحانى
فلو كنت شخص عادى سيكون لك مكانه حتى فى العالم الروحى
بل ويخدمك الجن المسلم وغير المسلم بدون طلب وبأمر من الله

فاكيد هناك من يعرف اشخاص عاديه جدا ولا يؤمنوا حتى بالروحانيات وما الخ
ولكن لديهم بصيره ورؤيا صادقه بل ومعرفة الاشياء قبل حدوثها وما الخ

اما الروحانى المهم هو عندما يصل لمرحله لايتوقف فالفتوحات كثير
فمثلا وصل للمال والبنون هل يتوقف ويبدء النظر للدنيا ام سيظل يسعى فى الطريق مع الله

كما وستاتيه ايضا عروض واغراءات لكى يتوقف ويخسر طاقته النورانيه
فهل يستجيب ويضرب بما لديه عرض الحائط ام لايوجد شئ على وجه الارض قادر ان يمنعه فى الاستمرار مع الله
ايا كانت الابتلاءات والمشاكل التى سيواجهها خلال ذلك

حتى يصل لما لم يكن يحلم بالوصول اليه
بل ويبدء بالخوف حتى ان يحس بضيق تجاه شخص ما لكى لا يصيبه مكروه حتى لو كان الشخص غير مسالم
ومن لم يرد الدنيا ستاتيه الدنيا راكعه بأمر من الله