الاسئلة الخاصه ب لقراءة الاختام

مالك جميع الاختام

انا محتاج كشف ضرورى لو سمحتى وعملت لحضرتك اكتر من كذا منشين

مالك جميع الاختام

السلام عليكم استاذتي الفاضلة هل بالامكان مساعدتي في الكشف عن الصور الخاصة بيدي علما بانني قمت بتنزيل موضوع جديد بذلك
جزاكي الله خيرا

مالك جميع الأختام
أختي ها هي صور جديدة و أمرتهم أنهم يسمحو لك بالكشف

السلام عليكم ورحمة الله وبركاته
الأخوة الأعضاء الكرام
فضلا لا أمرا
هل مالك جميع الأختام بخير أم تركت المنتدى
وهل هي الوحيدة التي تقرأ الكف في المنتدى وتعرف الأختام؟
لماذا لم يهتم احد من الخبراء والمتخصصين بالقراءة فقد طلبت ذلك كثيرا
برجاء الرد دمتم بخير

اختي العزيزه نور مبين
السلام عليكم ورحمه الله وبركاته

اولا احب ان اتوجه اليك بالتهنئه على ترقيتك للمشرفين
فعلا تستحقينها وانت اهل الثقه
واسال الله ان يعينك على مساعده الاعضاء

ثانيا
بالمناسبه السعيده دي اكيد لي طلب
وانت عارفاه كويس

نور مبين
اتمنى من الله الا اكون اثقل عليك

دمت بكل خير

coleman

السلام عليكم اخي الكريم
كيفك اخي وكيف احوالك ..
شايفه عوارض ...ومازال التشتيت موجود رغم ان علامة الكشف ظاهره وواضحه ..عني الحمد لله البصيرة شغاله ..
كمان في حاجه لفتت نظري ...وهو حرف فرعوني شبه الذراع ..مش عارفه هل مدلوله ان في سحر فرعوني او انك تقدر بقدرة الله تفك السحر الفرعوني ...هتأكد من المعلومه عشان ما اكونش بفتي ...
كمان في علامه ان في عوارض سحر ممكن ما تكونش لك انت لان مكانها خاص بالعائله ..ليه قلقان كده حرام عليك نفسك ..اتركها تأتي كما كتبها الله ..عل الله يحدث بعد ذلك امرا ..
كمان في حاجه ملحوظه جدا ..وهو رقم ١٣ في كفك الشمال ..
الله يبارك فيك ..

نور مبين
السلام عليكم ورحمه الله وبركاته

جزاك الله خيرا على هذه القراءه جعلها الله في ميزان حسناتك
والله انت دايما بتخجليني بكرمك



وانت قلتي ان في عوارض طيب ايه سببها وازاي اتخلص منها

وكنت عايز اعرف يعني ايه علامه الكشف ظاهره واضحه
اللي فهمته منها ان البصيره معايا شغالة هل فهمي صحيح؟
واعذريني ومش عايز اكون بجحد نعمه ربنا عليا بس انا مش شايف يعني ايه البصيره معايا شغاله لان في امور كثيره جدا تهمني ومش عارف اوصل ليها الحل وممكن يكون هو ده سبب التشتيت اللي انا فيه حقيقي والله في امر كبير جدا عليا ومهم جدا عندي بقالى اكثر من خمس سنين بدعي ربنا ان جلالته يوصلني ليه لكن ما فيش اي تقدم لله الامر من قبل ومن بعد

ومنتظر منك تفسير الحرف الفرعوني اللي على شكل ذراع لان دي اول مره تقولي لي عليها ان في حاجه فرعونيه على ايدي

وكمان كنت عايز اعرف ايه معنى رقم 13 اللي في ايدي الشمال ده كده سبحان الله رقم نحس وكمان في ايدي الشمال هههههههههههه ???? ???? ???? دي حاجه حلوه جدا

وبالمناسبه في معلومه حبيت اقولها لك انا من يوم 25/4 تقريبا من يوم وفاه والدي وانا ما فيش اي اوراد بقراها لان الشيخ محمد ابو احمد اللي كان متابعه معايا الاوراد انقطع عن المنتدى وما بقتش عارف اعمل ايه
وده برده ممكن يكون سبب للتخبط والتشتيت اللي انا فيه

ربنا يبارك فيك وفي عمرك وفي اولادك وفي اسرتك ويعطيك كل ما تتمنيه
دمت بكل خير وفي انتظارك

اللهم صل و سلم وبارك
على سيدنا محمد
وعلى اله وصحبه اجمعين

coleman
السلام عليكم اخي الكريم

اولا ..البقاء لله في السيد الوالد اسأل الله ان يتغمده برحمته ويسكنه فسيح جناته هو والدي ووالدتي وامواتنا واموات المسلمين اجمعين ...عظم الله اجركم في فقيدكم ...

خلينا ناخدها نقطه نقطه ...
رد على استفسار العوارض وازاي تخلص منها ..الاول لازم افهم هي جات من فين ..
خلينا متفقين ان التنقل المستمر من ورد لورد بحجة ان مافيش نتيجة ظهرت فده غلط جدا ...
لانه بكل بساطه بيفتح عليك باب العوارض ويمكن دي نقطه الكل غافل عنها وهي ان وارد الذكر نوعين نوع طيب ومسالم في حضوره وطاقته ونوع تاني مش هقدر اقول عليه شرير ...لكن هقول انه بيتغذى من طاقة حضرتك اثناء الذكر للورد المعين اللي جه على اثره ..بمعنى انه بيستمد قوته من طاقة النور اللي بتتكون حواليك من الذكر ...تمام كده ...
طيب انا في البدايه من اتخاذي للذكر المعين ما وجدت نتيجه ..وعلى فكرة مش لازم تحس او تشوف نتيجه من الاول وخصوصا لو لك اكتر من سابقه انك بتجرب وتترك الاوراد وتروح لغيرها ...روحانية اي ذكر بتمهلك فرصة الصبر هل صبرك قرب ومحبه من الله ام سعي خلف اعوان واحباب واللي هما اصلا لا يملكون في انفسهم شيء هما جنود الله ...ودخولك سعي خلفهم مش بيكون حافز لهم انهم يقربوا ..بالعكس
نرجع لوارد الذكر اللي بيتغذى على كاقة النور ...لما حضرتك تكون معوده على ده فترة وبدون مقدمات واللي هي انك تقلل مثلا من العدد او انك تقرا يوم ويوم او كل يومين وطبعا لا م بالتدريج ...فانت بتمنع عنه الطاقه اللي بتكون بمثابة قتل له ..فبالتالي يبدا بفكرك ...او انك تلاقي نفسك مدايق بس برضو مافيش فايده مش بتقول الذكر ..مع الوقت بيتحول النوع ده من الوارد لعوارض ويفضل يضايق فيك بشكل ملفت ويكمان يعملك اعطال ...على فكرة النوع ده انا اتعرضت له كتير واللي بقوله من واقع تجربه اكتر من مرة ...
كده انا عرفت العوارض جات منين ...يبقى انا اعمل ايه ...
كده كده مش هعرف ارجع للذكر ده غير بعد فترة لما هو نفسه اوبمعنى اصح يجيلي الهام او رؤية به ..وان شاء الله ده بيحصل لما الروحانيه بتلاقيك انك بقيت جدي في التعاملات ...ولو اخدت بالك اني دايما بنصح بقليل دائم ..
عندنا طرق كتير لطرد العوارض ..بس انا عن نفسي بفضل اني اخدها بالترتيب ..يعني باخد ورد سورة الكافرون الاول ٢١ مرو كل يوم لمدة ٧ ايام واليوم السابع بقرأها بالعدد وازود عليها سورة التوبه مرة ...هنا انا بقطع اي صله بالعوارض كلها حتى لو مش عوارض اذكار كمان ...تمام ..يعني اي عوارض عندي ..
بعدها ببدأ اني اضيف سورة ق وسورة الصافات في اورادي ..احاول التزم بسورة ق كل يوم ولو مره والصافات قدر الامكان ولو مرة كل اسبوع ووقتها بقرأها مع سورة البروج ..وده بيكون بمثابة تطهير لجسمي وهالتي من اي عوارض برضو ...

coleman

نرجع تاني ...
ليه قولت ان البصيرة شغاله....
تعالا الاول افهمك حاجه مهمه جدا والكل غفلان عنها ..وهي ان البصيرة المفتوحه مش معناها انك تشوف وتسمع الجن والارواح والكيانات اللي حواليك ..رغم انك بتلمح ولو حتى دخان او ضوء بيلمع كل فترة ...
البصيرة المفتوحه معناها ان الالهام العقلي والقلبي شغال الحاسه السادسه شغاله انك تحس بالحاجه قبل ما تحصل دي بصيرة او انك تكون ناوي تعمل حاجه وتحصل حاجه تعطلك وتكون مضايق جدا انك ده ما حصلش وبعد فترة تكتشف ان لو كنت روحت مشوارك ده كان العواقب بتاعته هتكون وخيمه ومش زي ما كنت حاسبلها اصلا ..وخد من ده كتير ودي بصيرة مفتوحه ..تمام ..
فقيس بقى اللي قولته واكتر على حالتك
نصيحه مني ...والنصيحة دي مهمه والله ...خد لك خلوة مع الله ..كلمه بكل اللي في بالك وقلبك ..دايما اطلب منه الهداية والرشاد في جميع امورك
ربي هب لي من لدنك رحمه وهيء لي من امري رشدا ومرشدا ...
انا زودت كلمة مرشد عشان يكون الارشاد رباني ..
بخصوص اللي بقالك فترة بتدعي به ...
ما يمكن انت اللي بتدعي ربنا غلط ..
قبل ما اشرح ازاي بتدعي غلط ...ربنا لما احنا بندعيه بامر ومش بيتحقق في وقته او اللحظه اللي بنطلب فيها ..ده مش بيكون اهمال من ربنا حاشا لله ...بس هو ارادة الله في الوقيت ان التوقيت ده مش مناسب لك اصلا واعرف انه هيبعتها بس في الوقت اللي عز وجل شايفه مناسب ..اختيارات ربنا كلها خير ..وعسى ان تكرهوا شيئا وهو خير لكم ..
تفسير بقى انك ممكن تكون بتدعي غلط ...او بتطلب الامر من ربنا غلط ..اللي اقصده اني اتبع الطريقه الصح لطلب من الله ..يعني انا هتذلل لربنا الاول هتوضى حلو واخد مكان هادي وانوي ركعتين قضاء حاجه وقرب من الله ...وبعدين اثني على الله واتممها بالصلاة على الحبيب صلى الله عليه وسلم واطلب حاجتي ...واستغفر كتير عشان لو انا عامل ذنب حاجب دعائي من الوصول واستعيذ بالله من الشرك الخفي اللي نعلمه واللي لا نعلمه ...
وتكرر ده دايما ..كمان خلي في قلبك استخاره لله دايما .. هل يارب الامر ده فيه خير ليا ..يسره اذا فيه خير واذا فيه غير ذلك اصرفني عنه ...

..........
كمان مش معنى ان الشيخ الفاضل شيخنا محمد ابو احمد مش متواجد انك تهمل اورادك وارشاده لك ...استمر قدر الامكان لحين رجوعه ...ده من باب انك تكون ذاكر ومنتظر الفرج من الله ..واعرف ان والله وبيقين من رب العالمين ان بيجيلك ارشادك لعندك ...

بخصوص الحرف الفرعوني ...امهلني فيه شويه لاني لسه بجمع عنه معلومات ..بس ابشر ان شاء الله خير ..

رقم ايه اللي نحس ...اسكت احسن ..ده فصيل نادر جدا وله حوارات كتير مميزة
اللهم بارك يعني ..بس الكلام حاليا يكون سابق لاوانه فيه ..فخلي كل شيء في وقته ..

التشتت كده انت اللي حاطت نفسك جواه ومقوقعها كمان ...رتب امورك وغير طريقة تفكيرك ..فوق لنفسك ..وجاهدها وجاهد كل الاعطال اللي حواليك لان هدفها انها تأخرك ..
استعن بالله فهو خير معين واعرف ان كل درجه ولها معادها ...يعني ما اكونش انا على الاولى وعايز انط للسابعه كده وقتها هتحس انك محبوس ...خدها درجه درجه وكله بترتيب الله ...

بين التائهين
صلوات ربي وسلامه على الحبيب المحبوب طب القلوب النور المبين متمم الحب واليقين سيدي رسول الله صلى الله عليه وعلى اله وصحبه وسلم تسليما ..

نور مبين
السلام عليكم ورحمه الله وبركاته

والله ثم والله ثم والله
اخجلتنى بردك على
و حزنت جدا عندما انتهيت من قراءة ردك الجميل

واغلب اللي انت قلتيه انا بعمله في حياتي من الدعاء وطريقه الدعاء والتذلل والتضرع لله ممكن الاستغفار انا ما كنتش بعمله كثير لكن دايما بقول ربي اغفر لي وهب لي واطلب اللي انا عايزه

وربنا يعلم اختي العزيزه انا دايما الدعاء اللي على لساني هو "رب اغفر لي وهب لي رؤيه نبيك الكريم يخبرني باسمك العظيم انك انت الوهاب" ومش عارف هتصدقيني ولا لا بس الدعاء ده بدعي به في كل ركعه من اي صلاه بصليها سواء فرد او نفل حتى اني تقريبا مخصص ركعتين لله بنيه استجابه الدعاء ده والقرب من الله.

وحاليا والله شاهد على كلامي اني حاليا هو ده كل هدفي وهو ده كل ما اسعى له وهو اني اشوف سيدنا محمد في المنام واعرف اسم الله العظيم الاعظم
لان مجرد معرفتي باسم الله العظيم الاعظم -حتى لو مش هدعي به او مش هطلب بيه اي حاجه ولو ان ده مستحيل- فمجرد معرفتي بالاسم العظيم الاعظم تشريف ليا وتمييز ليا انا اتمناه

وحاليا وربنا عز وجل برده شاهد على كلامي ما بقتش مهتم خالص بالتواصل مع الروحانيات رغم اني عايز يكون عندي روحانيات لكن التواصل ما بقاش شاغل دماغي خالص كل اللي شاغل دماغي وهدفي الاكبر رؤيه سيدنا محمد ومعرفه الاسم العظيم الاعظم


يا ريت لو انت عندك مجربه او عندك اي طريقه لمعرفه الاسم العظيم الاعظم يا ريت تساعديني بها لان الموضوع دوت بقالي فوق السنتين بدعي ربنا به. ده طبعا غير الموضوع التاني اللي بقالي خمس سنين بدعي به وبسعى له وما زلت بسعى له .

وحاضر يا ستي انا هعمل بالنصايح اللي انت قلتي عليها

وبخصوص موضوع البصيره فالكلام اللي انت قلتيه اتكرر معايا في بعض الامور
واللي نفسي فيه ان ربنا يعطيه لي ان البصيره دى تساعدني وتكون مفتوحه في الامور اللي انا بسعى فيها

شكرا للمره المليون على كل اللي انت بتساعديني بيه من المعلومات وانا اسف لو كنت بثقل عليك بس انت عارفه رايك والمعلومات اللي عندك يهموني قد ايه


بس مش معنى كده ان كلامنا خلص
انا كده لسه منتظر منك موضوعين
اولا الحرف الفرعوني وخدي وقتك براحتك ما تضغطيش على نفسك
ثانيا رقم 13 مش عارف عنه اي حاجه مش عارف هو مميز في ايه وايه الفصيل النادر بتاعه و ايه مميزاته و ايه عيوبه و هو مميز في ايه ومش عارف برده امتى الوقت المناسب اللي هنتكلم فيه في الموضوع ده . الوقت المناسب ده اعتقد حاجه راجعه ليكي انت لما تلاقي ان الوقت بقى مناسب عرفيني ايه موضوع رقم 13



دمت بكل خير

السلام عليكم ورحمة الله وبركاته@مالك جميع الاختام لو تكرمت ممكن تعملي لي كشف