[حسبنا الله ونعم الوكيل]

نور مبين انا تعبانه جدا جسمي مش قادره اقف
وعقلي حينفجر من الضغط
المس الارضي والوسواس
ارجوكي ساعديني
بموت

[نور مبين]

حسبنا الله ونعم الوكيل

السلام عليكم ورحمة الله
شفاكم الله وعافاكم ان شاء الله ..
حضرتك عارفه ان اللي انت فيه مش سهل ولا هين ولا هيمر بين يوم وليله بسهوله وكأن شيئا لم يكن ...
انت للاسف حضرتي عزيمه وقدمتي نفسك قربان وده امر مش هين ...انت هنا بتحاربي خادم عزيمه مقدمه نفسك هديه له ..وكان المفروض يكون في حظر وانتباه لشيء اول مرة تجربيه ...انا مش بعاتب ولا باجي عليكي ...بالعكس انا بحطلك النقط على الحروف وبعرفك وعرفتك قبل كده ان الامر مش هين و مضايقاته كتير ومش سهله ...
ورد الكافرون مع سورة ق والصافات والبروج وطبعا نية حضرتك الحاضرة دايما بالاستعانه بالله المعز المعين ان كل ده لحل وطرد اي عقد عملتيه ...
وباقي الاوراد والالتزام الدائم من حضرتك بالطهارة والصلاة والاذكار السابق ذكرها ده غير ..استغفارك الدائم وتقديم ندمك على الفعل وتجديد ايمانك بالله ..دي كلها امور لازم وحتما الالتزام بها لاتمام مهمة العلاج ..
العلاج مش سحر هقوم به او تدخل باطني والحمد لله بفضل الله ونعمه موجود ...بس لازم الجهاد من حضرتك يكون متصل بندم على اللي فات لانه كله اقتراف مما فعلت ايدينا ..(يعني اي شيء بيحصلي هو من نتاج ذنوبي اللي ارتكبتها ..
مَّا أَصَابَكَ مِنْ حَسَنَةٍ فَمِنَ اللَّهِ ۖ وَمَا أَصَابَكَ مِن سَيِّئَةٍ فَمِن نَّفْسِكَ ۚ..سورة النساء اية ٧٩

يعني المطلوب من حضرتك دلوقتي انك تقاومي وتجاهدي وتستغفري كتير ..ونيتك حاضرة دايما وهي البراءة والخلاص مما اقترفته ايدينا ..
الاوراد كتير والعلاجات اكتر لكن الامر مش بكم العلاج والاوراد ..انت لو تعرفي كم الحضور الي بيكون جنب حضرتك وانتي بتقرئي او ورد قرآني بعدد او اي ذكر كنت عرفتي انك اثناء وبعد الورد محفوفه بملائكه بتحارب عشانك ...
ما تزعليش من كلامي ..لانك لازم تجاهدي وتقاومي وتطردي كل طاقه سلبيه محوطاكي او مأثره على دماغك وجسمك وتفكيرك ..اطلبي المدد والعون من الله وهو كفيل بيكي ..واعرفي حاجه مهمه ان كيد الشيطان كان ضعيفا ..وانت بنور الله اقوى منه مليون مرة ..
التزمي بالاوراد ولما تلاقي في تقل في جسمك او على دماغك ..اعملي دوش ميه وملح دوش طهاره ...ابدئي فيه بالوضوء والجانب اليمين ثم الشمال .
شدي عزمك بقى كل اللي بيحصل مجرد مضايقات مش اكتر بس رخمه شويتين ..
لازم يكون عندك ثقه في الله وحسن ظن به انه رغم كل شيء الا انه كفيل بيكي وقادر على تخليصك من كل ده بامره .
وافيني باي جديد معاكي ..وان شاء الله خير ..

[حامل جميع الاختام]

السلام عليكم ورحمة الله وبركاته
واضح أن الأخت الفاضلة نور مبين منزعجة من كثرة طلباتي عذرا أختاه فصورة الكفين المرسلة اولا كانت من شهر ٢ بعدها خرجت حضرتك من المنتدى ٦ أشهر وعلمت بأن الخطوط والاختام تتغير ..
فلهذا أرسلت صورة حديثة فقط لا غير
فضلا لا أمرا محتاج اعرف كل الاختام الموجودة
فهل ظهر ختم الراية حديثا والمثلث الصغير و.. و ..
عذرا وشكرا ومع وافر التحية

[نور مبين]

@حامل جميع الاختام السلام عليكم اخي الكريم
انا مش منزعجه من حاجه والحمد لله ..لكني قرأتها قبل كده غير كده الصور دي مش واضحه ...وكمان مافيش رايه ...
الرايه مش ختم له اوان بيظهر فيه وانه كان مختفي ..لا طبعا
الرايه دي زي روح المحارب كده اللي بها بيكون عارف انه محارب من اول ما اتولد يعني ده ختم قدري غير قابل للتغيير او التخفي وعدم الظهور لوقت معين ..
المثلثات ...الصورة والله ما واضحه كفايه اني اميز الخطوط الدقيقه فيها ..وعشان بردو اكون وفيت في الشرح ..المثلثات سواء كبيرة زي مثلث كبير قافل قلب الكف او مثلثات صغيرة متداخله او في اكتر من مكان ...ده معناها ان في تطور روحاني ودخول مرحله اعلى في الارتقاء الفعلي وكمان رتبة حربيه وحرب وبدأت مع صاحبها سواء باطنيه او على شكل تساليط شيطانية او من الانس حتى ... ومش شرط انك تكون متواصل عشان تكون مرتقي ومتطور روحي او في حرب ..لان اغلب الشغل ده باطني ممكن تحلم انك في حرب او معركه او نزال مع حد او ما تحلمش اصلا وتقوم مرهق من النوم او تقوم عادي وطبيعي ...وممكن يحصل بتواصل روحاني بالجسد الاثيري بتاعك وبردو مش شرط تشوف اللي بيحصل او تحس به او يجيلك اشارات قويه عشان تعرف ان جسمك الاثيري متصل في حالة حرب ....ممكن تلاقي نفسك فجأه بدون مقدمات بعد ما كنت كويس جدا تلاقي انك بقيت مرهق بشكل ملفت وانت جالس في مكانك يعني ماعملتش مجهود او حركه تجيب اجهاد اصلا ..او بردو في حالات كتير ما تحس باي شيء ..
وده حال كل الناس اللي دخلت بعد اعلى من التالت والرابع ..شرح الموضوع ده طويل جدا ..والكلام فيه كتير واختصاره ان حصل ارتقاء وتطور في الروحانيه اللي حواليك ..والله اعلى واعلم

[حامل جميع الاختام]

شكرا لسرعة تواصلكم وسعة صدركم
وتحملكم لي
عاجز عن الشكر وجزاكم الله خيرا

[باحث المعرفة]

السلام عليكم ورحمه الله
الاخت نور مبين
هذا الكف الأيسر لان الإدارة حذفت الكف الأيسر وتركت اليمين المرة السابقة بالنسبة الراية

[حامل جميع الاختام]

السلام عليكم ورحمة الله وبركاته
عذرا لصاحبة الخلق والأخلاق العالية نور مبين
عندي مشاكل متتالية فهل من الحروب التي بدأت
اخوك متعب جدا ومشاكل القرار فيها صعب ومتعب لي والآخرين مع سعادتكم ينير الطريق وتتبدد الظلمات
اعذريني يكفيني رد سعادتكم (نفس الرد _نفس القراءة) احتراما وتقديرا لوقتك الثمين

[حسبنا الله ونعم الوكيل]

نور مبين
وعليكم السلام ورحمه الله وبركاته
جزاكي الله خيرا
بجد شكرا جدا كلامك رفع عندي النفسيه بنسبه مائه بالمائه والله اختي انا بخير احمد الله علي كل شئ ولكن بعض الوقت يتغير حالي معرفش ايه السبب خصوصا عندما امشي في مكان مظلم اشعر بتحرك جسدي جامد جدا
ودائما هزه في غرفت نومي
والله اختي بمشي اسند علي الجدران
اعذريني اختي
احبك في الله
أسأل الله ان يظلك في ظله يوم لا ظل الا ظله

[نور مبين]

باحث المعرفة
السلام عليكم اخي الكريم
الصورة باهته جدا لدرجة اني مش شايفه الخطوط ...اذا تكرمت انا رأس مالي هنا عيني وكده هتعمي ...اذا تكرمت اعمل صوره تكون الخطوط واضحه اعمل عليها تعديل انا مش عايزة الصورة مضيئه قدر ما تكون الخطوط هي اللي واضحه وظاهره

[باحث المعرفة]

الشيخ همتار
السلام عليكم ورحمه الله يا شيخ كيف نرفع الصور بجودة عالية للاخت نور مبين
حاولت بكل الطرق ولكن يتم تحويل الصورة الى جودة اقل من 144 هكذا نحن لا نجد الراحة فى التواصل مع الاخت نور مبين ان كان هناك اى حلول اخرى اخبرونا رجاء !!!

[باحث المعرفة]

السلام عليكم ورحمه الله
الاخت نور مبين
وضعت روابط كفوف اليد فى حول فى حسابى لا الإدارة منعت الصور عالية الجودة

اخي الكريم سنسمح ولمدة 24 اعة بالصور حتى تراهم الاخت نور مبين وبعدها سيتم الازالة .

[باحث المعرفة]

شكرا للشيوخ الكرام
الشيخ همتار
شمهورش
واتمنى ان لا يكون هذا اثقال فقط ان تم الحذف بعد التقيب من الاخت نور مبين بعدها لن احتاج لرفع مرفقات مجددا شكرا لكم

[نور مبين]

باحث المعرفة
السلام عليكم ورحمة الله
اي نعم لقيت نفسي مضطرة لتحميل تطبيقين مش عارفه ليه بس تمام ...التطبيق ممتاز جدا والصورة واضحة جدا فيه ...جزيتم خير
في رايه وفي ارتقاء روحاني ..وفي لغبطه كبيره يمكن بسبب تداخل الافكار الكتير دي اللي موصلة حضرتك لشتات التفكير المستمر ..لازم تهدى لان روحانيا احنا في مرحلة صعبه ...صعب من ناحية التصفيات والاختبارات ..يمكن اللي فات كله كوم واللي احنا فيه وجاي كوم تاني خالص ..
التقل والتشتيت والاحساس بانك لوحدك ومافيش اي حاجه معاك حتى لو مافيش اشارات بس بفجأه بتحس انك في فراغ عميق ..ده على الكل تقريبا ..الفترة دي احنا في مرحلة وبشر المؤمنين ...في ناس هتقول الصابرين .....تخطينا مرحلة الصبر ودخلنا في قوة الايمان...فلازم نفوق وناخد بالنا ..
##لتاني مرة ...كلام يخرج بدون ارادة مني ...لله الامر من قبل ومن بعد ..

[باحث المعرفة]

نور مبين
السلام عليكم ورحمه الله
اشكر حضرتك جدا على القراءة واعتذر لو حصل شىء اغضب حضرتك
والوصف مطابق جدا لحالتى هذه الأيام
شكرا للإدارة على السماح بنشر الصور
وشكرا مرة أخرى للأخت نور مبين على القراءة

[بين التائهين]

نور مبين
السلام عليكم جميعا.. اولا بشكر حضرتك على وقتك و طول بالك و كتبها الله في ميزان حسناتك
انا بدخل على منتدى افهم حاجات...بس شكلي اتأخرت فمبلاقيش مواضيع من البدايه
بمعنى بشوف حضرتك بتقولي حامل راية حامل شعلة انت في ارتقاء و كده و اجوبة كده مش اي حد يفهمها...... فياريت لو حضرتك او حد من الساهرين على منتدى يحط مواضيع بتشرح الحاجات ديه عشان بس نفهم اكتر
محرد رأي تقبلو مروري