بسم الله الرحمن الرحيم
السلام عليكم ورحمة الله وبركاته
اليوم انا بفتح لكم قلبي وبحكي لكم قصتي
نعم قصتي انا ماكتبتها الا ابتغى مرضاة الله
لتكون عبره لكم ولكل من يقراها ولكل من لهى قلبه بهذه الحياه وتمسك باعتاب الدنيا
ولكل من جهل نعمه الله عليه
ونسي نعمة الاهل ونعمة الام والاب ونعمة العافيه وان تعدو نعمة الله لاتحصوها
تعالوا تصفحوا معي هذه القصه التي سردتها بكل الامي ليس الا لأوقظ من غفل
ونسي ذكر الله ......كما هي حالتي سابقا
تمهيد للقصه
تفتحت عيني في الحياه على جدتي ام ابوي الله يرحمها وكنت دايم أسألها وين امي وين ابوي
وليش ما اروح اعيش معهم وليش كل واحد منهم عايش لحاله والناس كلهم غير عني طبعا
جدتي الله يرحمها ما كانت تخبي عني شيء وتعاملني كاني عاقله وتعلميني كانت تقول ان ابوك طلق امك من زمان وامك تزوجت وابوك تزوج وكأي طفله كان يهمني اعرف السبب
وتقولي امك كانت تتعب مع ابوك ولاكنت افهم كيف تتعب يعني وش قصدها بهذا التعب
تركت الامور تمشي وعشت حياتي وكنت الااحظ اشياء غريبه ملازمتني مثلا احس فيه احد يمشي وراى والتفت مافيه احد
اشوف شي ابيض يخطف من قدامي في لمح البصر مايشوفه الا انا وكنت اعلم جدتي واقولها اشوف شيء
بس تقولي تعوذي من الشيطان وسمي ولافيه شي
وما كنت اهتم كثير للأشياء اللي تحصل لي وانا صغيره وعادي حتى ماكنت اخاف
وكبرت وبدأ ابوي يطالب فيني وصرت بسادس ابتدائي وابوي ملزم انه ياخذني عنده بالرياض
وجدتي تموت فترابي لايمكن تتسمح له ابد انه ياخذني
لكن سبحان الله انا اريد وانت تريد والله يفعل مايريد..فجاءه مرضت جدتي بمرض ماعرفنا له سبب
الاطباء كل واحد له راي
واخيرا قررو ان عندها سرطان ولازم تسافر للعلاج
هنا ابوي استغل الفرصه واخذني لان كنت انا وجدتي لحالنا مع شغاله والله كنا عايشين حياه حلوه
كانت صديقتي رغم فارق السن الكبير الا اني احسها مثلي تفهمني وافهما وتاعملني كاني كبيره
وتصب علي من حنانها بغير حساب وسبحان من سخرها لي
عوضتني عن الام والاب والاسره والحياه اللي كنت افقدها الله يرحمها كانت دينه وملتزمه وتوابه
تخاف الله كثير كانت تخليني اقرأعليها القرآن والله انها تذرف دموعها بشكل عجيب...
المهم انها سافرت عند احد اعمامي لمدينه اخرى
وسافرت انا الرياض مع ابوي وشاء الله ان نفترق
وبدت معاناتي ...
سافرت للرياض مع الوالد وكنت في حاله ماني مستوعبه وش اللي صار كل شيء حصل في لمح البصر
مابعد استوعبت الاحداث زين لكن الواقع واقع فالحقيقه انا ماكنت رافضه اني اروح مع ابوي الرياض
لكني كنت حزينه على صديقت روحي الحنونه كيف بعيش من دونها وكيف بتكيف مع الوضع الجديد مع
ابوي واخواني من ابوي وزوجته وكنت شايله هم الغربه اللي راح اتشربها
ياليت ابوي اخذني من وانا صغيره كان عشت وتعودت عليهم من صغري ولاحست بالغربه اللي حسيتها لكن فعمري اللي اخذني فيه ابوي كنت كبيره وفاهمه كنت باول متوسط
يعني حتى كنت فالفتره الحرجه من حياتي اللي اكون بامس الحاجه فيها للأستقرار النفسي والعاطفي
احساس الغربه يا ناااااس صعب لا كمان يكون اصعب لما تحس بالغربه من اقرب الناس من الاب والاخوان والبيت اللي هو بيتك
عشت ومرت علي الايام طويله طويله طويله حتى تأقلمت مع الوضع الجديد
والحمدلله عشت .............................. ......
في خلال هذي الظروف كنت لما ابي ابكي وافك عن نفسي شيء من الهم اللي كتمته في صدري
طبعا زي ماقلت لكم احس بالغربه فكنت اروح ابكي بالحمام (اعزكم الله ) وابكي وابكي واطلع
كله عشان مابي احد يشوفني<<وانا ادري ان فيه بنات كثير يسوون هالحركه لكن نصيحه من قلب محب
الحمامات اماكن الشياطين وخطر كبير عليك تدخلين وانتي في اضعف حالاتك وقمة حزنك وتبكين فيها انتبهوا!!
المهم ......
عشت مراهقتي بنفسيه مذبذبه غير متوازنه طحت فالاعجاب وما ادراكم ماالاعجاب
حبيت وهمت وعشقت سراااااااااااااااااااااااااب غامرت كنت مشاغبه بالمدرسه بشكل جنوني
هذا طبعا يرجع للنفسيه المتذبذبه والحاله اللي كنت اعيشها
تخرجت ورحت للثانوي وفي خلال هذي المرحله جااااااااااااااني الخبر اللي هد كياني وحطمني
وكسرني بكل ماتعنيه الكلمه من معنى كسرنييييي كسرني ولكن الحمد لله على كل حال
الغاليه مااتت
ماتت جدتي الحنونه والصديقه الوفيه والاخت المحبه والاب الام وكل شي بهالحياه
حسيت ان الدنيا انتهت وانا اصلا ماني ناقصه
ولكن لله ماخذ ولله مااعطى وكل شيء عنده بكتاب
ان العين لتدمع وان القلب ليحزن وانا على فراقك ياجدتي لمحزنون
وبعد وفاة جدتي بفتره
بــــدأ الخطاب يدقون بـابي
ومعاناه جديده مع الزواج والخطبه
والحمدلله على كل حال
