• 10461
  • المشاركات
    4,439
من أعمدة أسرار
تاريخ التسجيل: Apr 2011
المشاركة :1
أي نوع من الاطفال كنت

بصررررراحه

عندما كنت طفل صغير اي نوع من الاطفال كنت ..

الطفل البريء ..

في البيت تلاقيه حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..


الطفل العنيد

يطبق نظام البيت بالعكس .. يسوي اللي براسه ..
مايخاف من الماما او البابا .. لو قلت له هذا خطر لاتقربه .. عناد فيك يسويه ..
يا كثر ما يضرب في طفولته .. ومع ذلك عنيد ما يغير رايه ..



الطفل اللحوح
يستخدم وسيلة الحنية لتلبية رغباته
له نغمه خاصه في البيت..
تلبى رغباته غصب عنك .. يعانون اهله من الصداع المستمر ..

الطفل المادي

هذا الطفل مايرد السلام الا ( بفلوس ) ..
تعامله مع اهل البيت .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتان ( الواشي )

تلاقي عند هذا النوع جميع اخبار البيت ..
يلاقي المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..


الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..



الطفل العلة

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها ..

مع ان من وجهة نظري المتواضعه هذا دليل ذكاء


الطفل الهارب

هذا الطفل مستحيل يجلس في البيت..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..

الطفل اللزقه

تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يا كثر ما ينضرب .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من شباك البيت للهروب منه ..
ولكن للأسف يلاقونه بانتظارهم في السيارة ..ويسألهم ليش تأخرتوا عليّ ..



الطفل الهادي

هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ما تكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..


الطفل القوي

اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ههه

وكل اللي يدخل يقول لو كان ممكن اي من هذه الانواع كان ههههههههه في طفولته

ودمتم بالف خير ومااحلى واروووووووووع

ايام الطفولة بكل مافيها

مع ورود وابتسامات

الطفولة
المواضيع المتشابهه
الموضوع كاتب الموضوع المنتدى مشاركات آخر مشاركة
لبكاء الاطفال الشرح والعلاج مرمورة12 مملكة الفوائد والمجربات الصحيحة 2 08-24-2017 01:14 PM
الاطفال و المس اشراقة منتدى أسئلة وطلبات الأعضاء الخاصة والعامة 4 04-03-2017 05:27 PM
تحصين الاطفال نجوم مملكة الرقية الشرعية 5 08-28-2014 03:07 PM
حمى الاطفال روزكنزي مملكة الأمراض المستعصية وجمال المرأة 2 02-22-2012 02:10 PM
معلومات عن مرض السكر عند الاطفال، داء السكري عند الاطفال جمانة مملكة الأمراض المستعصية وجمال المرأة 2 12-25-2011 05:30 PM


  • 14416
  • المشاركات
    1,070
من أعمدة أسرار
تاريخ التسجيل: Dec 2011
المشاركة :2
شـكــ وبارك الله فيك ـــرا لك ... لك مني أجمل تحية .


الذين يشاهدون محتوى الموضوع الآن : 1 ( الأعضاء 0 والزوار 1)

 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع


الساعة الآن 01:04 PM